गावदां बिबारनि महर || A Poem by Mr. Kumud Baro

गावदां बिबारनि महर

कुमुद बर’

नुहां नुवाहां नुजाफैयो दाबो

मिनिग्लाबनाय समायना महर,

नुजाफैयो दाबो समायना ददेरे महर

रिउ रिउ गोजानाव बिरग्लांनाय

समायना महर ।

मिथिंगानि आइलि जाइलि बारजों

बेसेबा गोजानाव बिरलांफानाय

गावदां अखाफोर बादि

गावदां महर.. ।

नाथाय...

नुनो मोनलिया

बारग्लांगनाय बिबारनि

गावदां महरखौ,

नुनो मोनलिया...

आय’ नुनो मोनलिया.... ।

गोसोखाङो उन्दै समनि गेलेनाय,

सानहाबो लाइमोन बैसोनि रंजानाय,

नाथाय संसारनि माया बे गेलेनाय

साननैसोनिल’ बे रंजासालिया

थावरिनो हाया रावबो

रंजा खुसियै सिखिरि मानसिफोरनि सिमाङा

रंजानो हाया रावबो

उदां गोसोयै

बयबो सोदोमस्रिनि मुखा गानजोबबाय ।।