आं बर’ || A Beautiful Bodo Petriotic Poem by Mr. Raja Daimari

आं बर’

राजा दैमारि

आं बर’ आं बर’ होनना बेसेबां बुंबावनो

फै जों बयबो गावनि हारिमुखौ लाखिदिनि

जों दानो जान्जि खाफ्रानि

फै जों दानो दावगा लांनि ।

                                   

आं बर’ आं बर’ होनना बेसेबां बुंबावनो

फै जों गावनि गथ’-गथाइखौ बर’ बिजोंआव मुं थिसननि

सम फैबाय जों गावनि रावखौ लाखिनायनि

समा थिनबाय जोंखौ फोजा खांनायनि ।

आं बर’ आं बर’ होनना बेसेबां बुंबावनो

फै जों बायबो हारिनि खामानि मावलांनि

सम थाखानायावनो जों गावनि जेंनाखौ सुस्रांदिनि

समा जोंखौ नेनानै थायाखै ।

आं बर’ आं बर’ होनना बेसेबां बुबावनो

धोरोमखौ मुगैयालासेनो जों दावगा लांनि

फै जों बयबो आंनि नोंनि साना लासेनो खौसे जानि

मिनि खुसि रंजा बाजा थांनानै थानि ।