EDITORIAL (सुजुगिरिनि रेबगन)

            खुलुमबाय । गिबि गिबियाव साफ्रोमबो फरायगिरि राइजो राजा नोंथांमोननिसिम गोसो गोरबोनिफ्राय अननाय, सिबिनाय आरो खुलुमनायजों लोगोसे माहारियारि गोजोन हामलायनाय बावहरबाय ।

            बर' माहारिया गुबुन हारिनि रुजुनायाव इन्टारनेट मुलुगाव एबा बाहायनायनि बिथिंआव गोबां उन गोलैसोनानै दं । बेनिखायनो बे मोनसे फिसा ब्लकनि गेजेरजों गुबुन गुबुन खौरां आरो गोसोनि सानदांथिफोरखौ फोरमायलांनो आरो जारिमिनखौ दोनलांनो नाजानाय जादों । बे मोनसे पारसनेल ब्लक जानायनि थाखाय सिगांनिफ्रायनो माखासे गावनि मोजां मोननाय बाथ्राफोरखौ फोसावनाय जादोंमोन । बेखिनियावनो मख'नो गोनां बाथ्राया जाबाय जोंनि गोदान जोलैया थुलुंगा मोननायनि थांखियै माखासे लिरबिदांफोरखौ बर' रावै फोसावनो नाजानाय जादों ।

            बे खाबुआवनो आं बर'नि मेलेमजिबि, दैदेनगिरि बिथांमोनखौ खावलायगोन बिथांमोना जेन बर' रावखौ इन्टारनेट मुलुगाव फेहेरनो, फोगोमनो आरो जौगा होनो थाखाय खामानि मावो । दिनैनि AI एबा बानायनाय सोलोनि मुगायाव गुबुन रावफोरा गासैबो रोखोमनि आइदाफोरखौ इनटारनेटाव मोननो हानाय बादि जौगाखांहोदों। गोरलै रावजों बुंनो थाङोब्ला दिजिटेल जालांदों दुलाराय बुहुमनि साननाय हनाय बाथ्रा बुंनायफोरा।

        जायनि थाखाय आथिखाल समखौ कम्पिउटार, इनटारनेट, ए.आइ.नि मुगा होननाय जायो । बेनिखाय बे आइदाफोरनि सायाव जोंनि गोबां गोसो होनो गोनां दं आरो खामोनि मावनो गोनां दं ।

      बे ब्लकखौ फरायनानै नोंथांमोना माबादि मोनो अननानै कमेन्टाव फोरमायहरनो खावलायहरबाय। जोबथारनायाव साफ्रोमबो फरायगिरि, समाज  सिबियारि, दैदेनगिरि, फरायसा फरायसुलि नोंथांमोननिसिम गोसो गोरबोनिफ्राय अननाय, सिबिनाय आरो खुलुमनाय फोरमायहरनानै सुजुगिरिनि सुंद' लिरबिदांखौ एसेआवनो दोनथ'नाय जाबाय । गोजोनथों ।।

        हेपि ब्लगिं_______

नोंथांमोननि फोथाइजाथाव

संगालि

(फट'आ ए.आइ.जों बानायनाय)