Assam HSLC 2017 Results of Sunjwrang High School, Tezialpara, Kalaigaon

Download as PDF format

All the results of the candidates from Sunjwrang High School, Tezialpara, Kalaigaon, UDALGURI BTAD of the year 2017

Download as PDF format now... Gwjwnthung...

There are five Bodo medium High Schools at Kalaigaon :-

° SUNJWRANG HIGH SCHOOL

° CHENGAPATHER HIGH SCHOOL

° CHENGAPARA HIGH SCHOOL

° BALIPARA KRISHAK MUKTI HIGH SCHOOL

° BHUYANKHAT HIGH SCHOOL

Kalaigaon Bodo medium

প্ৰথম স্থান :     ৭ জন

•  Sunjwrang High School= 4

•  Bhuyankhat High School= 2

• Chengapather High School= 1

For More follow our blog by your Email

Subscribe Here Now

Thanks

Gwjwnthung

1st in the history of Bodo medium

Congrats Bibungsar Basumatary

Bibungsar Basumatary has created history today being the first from among the Bodo medium to get his position in top 10 in Assam HSLC, 2017

BWISAGU (बैसागु)

बैसागु

बिसाल बसुमतारी

भेरगाव (बेहेरगामि)

            बैसागुआ बर’ हारिनि देरसिन रंजानाय फोरबो । मोन्थिस’ हायि समनिफ्रायनो बर’फोरा बैसागुखौ गावनि आंगो फोरबो महरै फालिबोदों आरो दासिमबो फालिबोगासिनो दं । बे रंजानाय बर’ हारिमुनि फैलाव दिहिंनि हासार गोनां हायाव रज’फैनाय मोदोमफ्रु हायना गोनां बारसे फामि बिबार बादि । बैसागुआ फैनाय लोगो लोगो बोराय बेन्थ’, सेंग्रा सिख्ला, बयनिबो मोदोमा रंजानायनि गोसोजों जांख्रिखाङो । जाउनाव बैसागुआ बर’ हारिनि आमाय थख्ल’-बिखानि खावसे ।

            सैथ्र दाननि जोबानाय साननिफ्राय आरो बैसाग अखाफोरनि सेथि साननिफ्राय बैसागो फोरबोखौ खुंनाय जायो । गोदो गोदाय बर’फोरा बे रंजालि बैसागुखौ दानसेहालागै खुङोमोन होननानै खोनायो । नाथाय सम थांनायनि लोगो लोगो मिथिंगानि महराबो दलाम गुरस्लायबाय लोगोसे बोथोराबो सोलायबाय गोदो दानसेहालागै खुङोमोनब्लाबो दा सानस्नि सिमहालागैल’ खुंनाय नुयो । बैसागुनि गिबि सानखौ मोसौनि, नैथि सानखौ मानसिनि, थामथि सानखौ सैमानि, ब्रैथि सानखौ अमानि, बाथि सानखौ दाउनि, द’थि सानखौ हांसो फारौ आरो गुबुन दाउमा-अमाफोरनि आरो जोबथा सान एबा सानस्निखौ आलासि बाय बाहागिफोरखौ लोगो हमनायनि ।

            गोदो गोदायनिफ्रायनो बर’हा हाल एवनानै जाग्रा हारि आरो दासिमबो हाल एवनानै जाबोगासिनो दं । जाउनाव मोसोखौ माइनाव महरै सानबोदों । जायनि नआव मोसौ गैया बिनि नआव माइनाव गैया होननानै साननाय आरो गोदोनि बर’ सुबुंफोरा फोथायनाय दं । थार बाथ्राखौ बुंनो थाङोब्ला बैसागुआ आबादजों सोमोन्दो गोनां गाहाइ फोरबो ।

            बेनिखायनो हाल एवनानै जाग्रा बर’ हारिनि गेजेराव मोसौआ गोथार । बेनिखायनो बैसाग बोथोराव मोसौनि गाहामनि थाखाय आनन गसाइनियाव आर’ज गाबनानै बर’फोरा मोसौखौ सिगां सिगां दैसायाव लांनानै थुखैयो । गोदोनि फोथायनाय बादियै थुखैनायनि सिगां लख्रा, मोसाफोरा जाहाथे उदां हगारनाय समाव मोसौफोरखौ जानो हाया आरो गिनानै खारो, बेनि थाखायनो मोसौफोरनि मोदोमाव फाख्रा सिख्रा गाब गाहोनाय जायो । बेनिफ्राय लाव-फान्थाव आरो हालदै गोथांखौ साखा-साखा हानानै माखासेमानि लो बिदां सुनाय जायो औवानि थेवोलजों । थुखैनाय समाव जाहाथे मोसौनि जिउवा गोलाव जायो, बेनि थाखायनो गोथार राइदों, बिजौ आरो लाउ-फान्थावनि माला सुनानै मोसौ गलियाव दोनो । बेनि उनाव मोसौफोरखौ होलांनायाव हाफ्लेखाना लानाय लाव-फान्थाव, हाल्दै आरो आरखारैखौ मोसौफोरनियाव सारस्रि-सारस्रि दिगिलेवा एबा थाराइ गाज्लि एबा मोखोनानि लावथिजों बुयै बुयै मेथाइ खनो-

लाव जा फान्थाव जा

बोसोर बोसोर एर हान्जा हान्जा

बिमानि खिथेर बिफानि खिथेर

नोंसोर जागोन हालुवा गेदेर ।

बिमा गाइदे बादि दाजा,

 बिफा बलद बादि जा ।

बारि खनायाव दं एम्बु बंग्ला,

बिब्दि जा गिदिर जांगिला ।

दिधलति मोसौनि मुलि,

दुदालि जागोन गाइ खुखिलि,

दिधलति लाउथि, ख्रि ख्रि गान्थि,

जोंनि मोसौआ जागोन बलद जाति ।

जानाय नङा गाइदे थेफ्रा,

मारखा जागोन फालोनि बेद्रा ।

            बेनि अखानायै बैसागुनि सेथि साना मानसिनि बैसागु । नखरनि बावैसो थैलांनायफोरखौ ना बेदर एवानानै बाउनाय जायो । गोथैफोरनि मुं लिंनानै बाउओ- “फिसा फिसौ नाहा मैहा थांब्ला अरायबो इनाय खालामनो मोनानाय नङा” होनना । बेनि उनाव बर’नि आंगो नेम सेजौ से बिदनि मैगं संनाय जायो । जायखौ जों दाउ बेदरजों सङो आरो बेखौ खुंखा बुंनाय जायो । बेखालि नआव नुजाफैनाय साफा सानै सुंबुंफोरखौ खुंखा जाहोनाय जायो । रंजालि बैसागुआव गोदानै हाबा जानाय एबा जुलि गोदानफोरा गावनि फिसाइखौ लानानै बिमा-बिफानि नआव आलासि जाहैनाया जोंनि बर’ माहारिनि गेजेराव सोलिबोनाय गोदो गोदायनि खान्थि । बेनि अनगायैबो गामिनि बोराइ, बुरैफोरा न’-न’ गिदिंनानै बेदर खुंखाजों संनाय ओंख्रिजों औवानि हासुंआव जौ लोङो । गोदोनि खान्थि बादियै दाबो रंजालि बैसागुआव जौनि फुख्रि, बेदरनि आलि बायदि नेम खान्थि सोलिया ।

            बेनि अखानायै सैमानि बैसागो । बैसागु बहर । गामानि गासैबो सेंग्रा-सिख्लाफोरा बे सानखालि खाम, सिफुं, जथा, बिङि, थारखा, गंगोना, जाबस्रिं लानानै गामिनि दाबसे गिदिंनानै न’-न’ हाबनानै  बैसागुनि बायदि मैया मेथाइ रोजाबनानै ज’ ज’ मोसायो । बेजों लोगोसे गामि दाबसेआ खाम, सिफुं, सेरजानि रिंनायजों सोगोमखाङो ।

            बिब्दिनो बर’फोरा सिगां मोसौनि, बेनिफ्राय मानसिनि, अमानि, दाउनि आरो गुबुन दाउमा, अमाफोरनि बेनिफ्राय बाय-बाहागि खुरमाफोरजों नुजालायनाय, सानलायनाय, जलायनाय, रंजालायनाय बैसागु खुङो । बिब्दिनो गुबुन गुबुन मुंनि महरै बैसागुखौ खुंनाय जायो । जोबथा सान एबा सान स्नियाव बैसागुखौ फोजोबनाय जायो । रंजालि बैसागुआ जोबो सानस्नियाव, बर’फोरनि स्नि तिथि थामहिनबा गोखा, गोखै, गोबाब बायदि मैया रोखोमनि मैगं हाग्रानिफ्राय खांनानै जायो । बेफोर जादों – माथि गालदाब, बेसर दाबा, थाराइ गाज्लि, राइदों बिजौ, लाफा साइख’, दिंदिङा, बुरै थखन, माइसुन्द्रि, सिब्रु थारा, दौस्रेम. दिंखिया बायदि बायदि ।

            बैसागुखौ खालि बर’फोराल’दि फालियो बिब्दि नङा । गुबुन गुबुन हारि फोरबो फालियो । गासैबो हारिनि फालिनायनि नेमा आलादा । रावनियाबो एखे एबा समान नङा । जेरै- कामरुपआव बैसागु दानाव बरमानि थान फुजा खालामनाय जायो । मिसिंफोरा “आलि आयलिगां” होननानै बैसागुखौ गुबुन नेमजों फालियो । बैसागुनि जोबथा सानाव बयबो गसाइ थानाव ज’ जायो आरो गोदोनि नेम बादियै सिब्राइ सिब्रुइ एबा राववनिजों गोदान  हाबा होनाय आरो बिसोरनि थांखियै हाबा होनाय आरो बिसोरनि थांखियै बाउनाय रायनायनि मुङै फुथालि हाबाया आबादजों सोमोन्दो गोनां बैसागु बोथोराव खांनाय फोरबो ।

            बर’फोरा फोथायनाय दंदि बोसोरनि सिगां सानाव एबा मानसि बैसागआव नांज्लायनो खमलायनो मोना । बेनिखाय दाबो बे नेमखौ फालिनाय जायो । बैसागुनि सानाव खामफ्लाइयाव जनोबो हामा होननानै बर’फोरा फोथायो । मानोना बे समाव खामफ्लाइयाव जयोब्लानो बिमा बिफानियाव जनाय जायो होनना साननाय दंमोन । जोबनायथिं रावना रावनि एबा फुथलि हाबा होनानै सानस्नियाव बैसागु खुंनानै रंजा बाजा जायै लोङै बोथोरनि बैसागुखौ फोजोबनाय जायो । बेबादिनो बर’ माहारिनि बैसागुखो फालिनाय जायो आरो इयुनावबो बैसागु फोरबोखो फालिगोन होननानै मिजिं थियो । ❏❏❏

N.B.: This article was published in the 8^th issue “Rongjali” the mouth piece of Kalaigaon Bisungra Harimu Afaad in the occation of its Rongjali Bwisagu Celebration, 2017 at Gandhi Bakari, Kalaigaon.

Assam HSLC Result 2017, SEBA Class 10th Result, Check Details

The results of the High School Leaving Certificate and Assam High Madrasa Examination, 2017 will be declared on May 31, 2017 at 10 am on the official websites. The students can check their results in all the examination centres spread across the State.

A total of 3.91 lakh students sat for the HSLC exam held from February 17 to March 10, 2017.

SEBA results are also being declared through websites and phone message services.

These websites will be host SEBA HSLC results 2017:

1) results.sebaonline.org,
2) resultsassam.nic.in,
3) exametc.com,
4) indiaresults.com,
5) jagaranjosh.com,
6) assamonline.in,
7) assam.siksha.com,
8) knowyourresult.com.

One may use following SMS formats for results:

1. BSNL users can send an SMS in the following format to 57766: SEBA17(space)(Roll Number)

2. Airtel users can send an SMS in the following format to 5207011: AS10(space)(Roll Number)

3. Vodafone/ Reliance/ Tata/ Idea users can send an SMS in the following format to 58888111: AS10(space)(Roll Number)

Airtel, Vodafone, Idea, and Aircel users can also get their results by dialing USSD code *588# .

Best of luck to all the students.

साफ्रोमबो फरायसा फरायसुलि बिथांमोननिसिम गोजोन हामलायनाय बावहरबाय । बयनिबो आन्जादा मोजां जाथोंनि आफा आनन गसायनि खाथियाव सुंग्रिहरबाय ।

।। गोजोनथों ।।

।। जै बर' हारिनि जै ।।

।। जै बड'लेण्डनि जै ।।

How to earn online

Are you looking for the ways to earn money online? Did you try to make money online before but did not get success?

मिथिनोथाखाय कमेन्टाव सोंनो थाखाय खावलायहरबाय। Feel free to contact or comment to know details about online earning doing some simple activities.

Earn from PTC sites

If you are trying to earn money online & need only small extra income less than $200 (Rs.12,000) then PTC sites are the best way to start.

Here you need to click and read the advertisements for 10 to 30 seconds and get paid for each and every advertisement you view.

There are many sites where you can register and make money by reading ads. All sites are free and there is no investment at all.

So one of the best sites I would like to recommend you is CLIXSENSE. You can try this site first.

You can also try NEOBUX.

Sharing is caring. Thanks for reading...

Assam 12th Exam Result 2017:: AHSEC HS Result 2017

AHSEC Assam 12th/ HS Result 2017 for Arts, Commerce and Science  anounce 30th May 2017 At 10:00 AM.

Results of the Higher Secondary Final Examination, 2017 of all streams conducted by the Assam Higher Secondary Education Council will be declared on 30th May, 2017 at 10.00 A.M. at all the District & Sub-Division Head Quarters. The Result Sheets along with marks-sheets and pass certificates will have to be collected by the institutions from the main institution located in their respective District/Sub-Division Head Quarter. The Examination Centres located in the district of Kamrup will have to collect the Result Sheet, Mark-sheet and Certificate from the Principal, Cotton Collegiate Govt. H.S. School, Panbazar, Guwahati, T.C. Govt. Girls’ HS & MP School, Guwahati, Gopal Boro Govt. H.S. School, Ganeshguri Chariali, Pub Kamrup College, Baihata Chariali, Damdama HS School, Kulhati, Hajo and Dakshin Kamrup Mahavidyalaya, Mirza on that day at 9.00 A.M.

The Institutions located at greater Guwahati area will also receive result sheets along with mark-sheets and certificates in their institution well ahead of 10.00 A.M.

Results of Higher Secondary Final Examination, 2017 may be accessed in the following web portals –

a. www.ahsec.nic.in
b. www.indiaresults.com
c. www.exametc.com
d. www.jagranjosh.com
e. www.knowyourresult.com
f. www.examresults.net
g. http://resuIts.amarujaIa.com
h. www.schools9.com
i.  www.resultsout.com
j.  JobNewsAssam.in

• CHECK YOUR HSLC RESULTS HERE

Results may also be accessed through SMS and users will have to type as shown below

BSNL users –
HS17<space>ROLL<space>No, and to be sent to 57766 (e.g. HS17 0404 10001)

Airtel users –
AS12<space><Roll number> and to be sent to 5207011
(e.g. AS12 040410001)

Idea/Vodafone/Reliance/TATA users –
AS12<space>< Roll number> and to be sent to 58888111
(e.g. AS12 040410001)

Airtel, Idea, Vodafone and Aircel users may also dial *588# for result on USSD.

हालो दैलो रंजा बाजा (A Bodo article about Rongjali Bwisagu, the national festivel of the Bodos)

हालो दैलो रंजा बाजा

सुमित्रा बर’

कबिरालि

हालो दैलो रंजाबाजा हाय लोगो

सफैलायबाय हनै सफैलायबाय

बिलाइ गोजाम सिरिलांबाय

बिलाइ गोदाना खिलिखांबाय

बिफां बारस्लाय बारस्लाय

दाउ खौऔआबो गाबफैलायबाय

हाय लोगो बैसागु बोथोरा सफैलायबाय

बोथोर गोदाना सफैलायबाय ।

            बिफां लाइफांआ गोजामखौ गारनानै गोदान गानानायजों मान्दार, सिमली आरिआ अख्रांआव अर जोंनाय बादि जुगु जुगु अरखि बादि गोजा बिबार गानफबनायजों पलास हरि बिफांनि गोमो बिबार गानफबनायजों उदां बोथोरनि रादाब लबोयो । मिथिंगा रानिनि सोमखोर समायना, गोमो गोजा बायदि गाबनि आबिरजों दाउ खौऔनि गोदै देंखोजों सैत्र दान बारनानै लासै लासैनो बैसाग दाननि लांगोना मोखाङाव आगान होफैयो । बोथोर गोदाननि रादाब होफैयो । मिथिंगाजों लोगोसे आसामनि गुबुन गुबुन हरि माहारिफोरनि बादि बर’ हारिनि मानसिफोरनि गेजेरावबो रंजा खुंसिनि निजोरा बोहैबोयो । बैसागुनि रंजानायाव गेदेर, उन्दै, सेंग्रा-सिख्ला, बोराइ-बेन्थ’ बयबो मुखुब जायो ।

            बैसागुआ बर’फोरनि देरसिन रंजानाय फोरबो । उदां बोथोरनि रंजानाय बे बैसागुआ जोंनि आसामाव खुंनाय समाव सा सानजा भारत आरो भारतनि गोबां ओनसोलाव गुबुन गुबुन मुङै बे बादि फोरबो खुंङो । आसामनि बिहु, विसु, बुसु बायदि रंजानाय फोरबोफोरजों बैसागुहा थोंजों सोमोन्दो दं । गोरोबलायनाय दं । नाथाय असमीया बिहु होनोब्ला मोनथाम हमनाय जायो । जेरै: बहाग बिहु, माध बिहु आरो काति बिहु । नाथाय बर’आव बैसागु होनोब्ला उदां बोथोरनि रंजानाय फोरबोखौसो बुंनाय जायो । मागो दमासि आरो काति गासाखौ फोरबो हिसाबै खुंनाय जायो । बर’फोरनि गेजेराव बे मोनथाम फोरबोनि बाहेराबो आमथि सुवा फोरबो आरो ओंखाम गोरलै जानाय फोरबो लानानै बोसोराव गासै मोनबा फोरबो खुंनाय जायो ।

            बैसागु फोरबोनि आसार खान्थि बाउनाय थिनाय मोसानाय रोजाबनाय, सम बायदि बिथिंखौ नोजोर बोनानै बेयो गुबैयै आबादारि रंजानाय बे खोथाखौ गोरलैयै हमदां हायो । बैसागु मोसानाय आरो रोजाबनाया बर’फोरनि हारिमुनि मोनसे एंगारहायै बाहागो । बैसागु बे सोदोबा बर’फोरनि समाजारि जिउआव जोबोर आंगो । बैसागुनि सि-आरि (अध्यात्मिक) आसार खान्थिनि गेजेराव सान्ति-गोजोन आरो सेंग्रा सिख्लाफोरनि उदाङै गोसो होसारनानै मोसानायनि गेजेराव गोहो आरो उदांनि इसारा नुनो मोननाय जायो, बेनिखायनो बैसागुआ गोजोन, गोहो आरो उदां (मुक्ति) नि नेरसोन। बर’फोरनि बैसागु रंजानाय फोरबोआ आसामनि समाज आरो हारिमुआव मा बादि जायगा आवग्रिना दं बेनि रोखा सिनायथि होयो ।

            आसामनि असमीयाफोर बादिनो बर’फोराबो माब्लाबानिफ्राय बैसागु रंजाथाइखौ खुंबोदोंमोन बेनि फोरमान होनो हायाब्लाबो समाज दानानै राइजो जाबोनाय समनिफ्रायनो रंजाबोदों होनना साननो हायो । जायखि जाया बर’फोरा बे रंजाथाइखौ सोमोन्दो गोनां महरै बांला एबा असमीया हारिनि बोसोर साननाय हुदा बैसाख दानजों गोरोबनानै खुंनाय नुनो मोनो । मानोना बर’फोरा गावनि आंगो थि खालार साननाय हुदा गैया । बर’फोरा बैसागुखौ “बैसागो” होननानैबो बाहायो । बे मोननै सोदोबनि सोमोन्दै बर’ लिरगिरिफोरा गुबुन गुबुन बिजिरथि होलांदों । गाहायाव बेनि सोमोन्दै इसे सावरायनाय जाबाय-

            ड: कामेश्वर ब्रह्मआ बिथांनि “A study of socio religious beliefs and practices and ceremonies of the Bodos.” बिजाबाव बैसागुनि सोमोन्दै कामिनी नार्जारीआ बेखेवथि होनायखौ ओरै फोरमायदों: বৈশাগু শব্দৰ মূল হ’ল বৈশ (baisa) যাৰ অৰ্থ “বছৰ” অথবা বয়স আৰু “আগুৰ” অৰ্থ হ’ল “আৰম্ভনি”৷ অৰ্থাৎ - “বৈশ+আগু>বৈসাগু” বা বছৰৰ আৰম্ভনি৷

            ड: ब्रह्म बिथाङा गावबो बैसागुनि सोमोन्दै एरै होनदों – This spring time festivel is observed at the starting part of the Assamese month Bohag, which they call Baisakh. It may be stated that as it is observed at the very early part of the first month of the year, it is called as Baisakh+Agu>Baisagu.

            लक्षेश्वर ब्रह्म बिथाङाबो गावनि “(বৈশাগু আৰু হাৰিমু)” बिजाबाव बैसागुखौ एरै बेखेवदों “বৈশাগু+হু>বৈশাগু। बर’ सोदोब हुनि ओंथिया फुजा होनाय जायोखायनो बैसागु सोदोबा जानो हागौ होनना बिथाङा बुंदों ।

            ड: भुपेन नार्जारियाबो एरै बायदि फोरमायदों “बिहु” सोदोबा बर’ सोदोब । बे सोदोबा “बि” आरो “हो” मोननैनि जथाय सोदोब । “बि”नि ओंथिया जाबाय बिनाय आरो “हो”नि ओंथिया जाबाय होनाय । बेनिफ्रायनो बिहो>बिहु जादों ।

            जायखि जाया बैसागु रंजानायनि गुदियाव दि बोथोरजों सोमोन्दो दङ बेयो रोखा नुनो मोनो । गमामायैनो गोदोआव बैसागुखौ दानफा गाहाइ फालियोमोन । नाथाय आथिखालनि समाव बेयो लासैयै सप्ताह खनसे जालांदोंसै ।

            बैसागु रंजानाय फोरबोजों सोमोन्दो लाखिना बायदि आसार फालिनाय जायो । नबां लिरस्रांना साखोन-सिखोन खालामो, सिजौ गुदियाव आर’ज गाबो, नखरनि रुंसारि सुबुंफोरखौ गोसो खांना जाग्रा मुवा बाउनाय जायो । सैथ्र दाननि जोबथा सानखालि एबा सैथ्र-बैसागुनि दमासि खालिनिफ्राय बैसागु जागायजेनो । बे सानखालि गिबि बैसागु एबा मोसौनि बैसागु होननाय जायो । मोसौ बैसागु खालि फुङावनो मोसौफोरखौ साइ-हांगार सावना जाथि थावजों गलायना फाख्रा-सिख्रा गाब फुनानाय जायो । गोदोआव लाउ फानथावनि माला गानहोनाय जायोमोन, दिग्लिलिथि, माखिलथि आरि बिलाइजों मोसौफोरखौ बुस्रेद बुस्रेद खालामनानै दैसा, बिलो फोराव लांनानै थुखैनाय जायो । थुखैनाय समाव रोजाबनाय जायो । जेरै:

लाव जा फानथाव जा

बोसोर बोसोर एर हान्जा हान्जा,

बिमानि खिथेर बिफानि खिथेर

नोंसोर जागोन हालुवा गेदेर,

बिमा गाइदे बादि दाजा

बिफा बलद बादि जा ।

बारि खनानि एम्बु बंला

बिबादि जा गिदिर जांगिला ।

            बेनि उनाव मोसौफोरखौ फोथाराव हगारना होयो । आथिखालाव हगारना होनाय खमिलांदों, मानो होनोब्ला बोसोरनि बार मास बायदि रोखोमनि आबाद मावनाय जायो । आबाद जा-जानायनिफ्राय खारगनो आथिखालाव हगारनाया खमसै । मोनायाव मोसौफोरखौ लाबोना दिरुं गोदानजों खानाय जायो । मोसौ गलियाव धुप-धुना सावनाय जायो । जिगाब दिंखिया (बिह दिंखिया) आरि जाबनानै उखुन्दै होनाय जायो । गिसिब सिबना होनानै थामफै, दांसोफोरखौ होहरनाय जायो । बे सानखालिनिफ्राय मानसिफोराबो गिसिब सिबनो मोनो होननानै फोथायो । मोसौफोरखौ बेखालि लावथि गनजों बुनो मोना होनना फोथायो, मानसिफोरा बुब्ला जोनोमाव मोसौ जानानै उजिफिनो । बेखायनो मानसिबो बुनो मोना होनना फोथायनाय जायो । बेबादिनो बैसागुनि सेथि सानखौ मोसौनि बैसागु महरै खुंनाय जायो ।

            अखानायै बैसागु दाननि सेथि अख्थ’ । बे सानखौ मानसि बैसागु महरै फालिनाय जायो । फुङावनो दुगैस्रां लोबस्रां अबंलाउरिनि खाथियाव आर’ज गाबनानै नख’रनि उन्दैफोरा गिदिरफोरखौ  हान्थु खारिनानै खुलुमो । गिदिरा उन्दैनो बोर सारस्रियो । नखर-नखर खुंखा एवनानै जायो । खायफाया मोसौ बैसागु खालिनो बायदि रोखोम गोखा ज खालाननानै सङो । जायगा लायै लायै सोरबाया खुंखा जानाय, सोरबाया गोखा-गोखै जानाय होननानै बुङो ।

            जायखि जाया जाखां लोंखांनायनि उनाव खाम, सिफुं, जथा, सेरजा रिंखांनायजों मानसिफोरनि गोसोआबो रंजाखाङो । सेंग्रा-सिख्ला, बोराइ-बुरै, गथ’-गथाइ बैबो बोदोर जायो । नखर नखर थांना बैसागु रंजालायो, बिलायलायो । गोदो गोदायनि बादिनो बैसागु बोथोराव रंजा-बाजा गोदान बोथोरखौ बरायनो बयबो हांखुर जायो । गोरबोनि मेंनाय, बानाय, मुगैनाय, रागा जोंनाय, मोनसा मोनसि गारनानै बयबो अनलायनायनि, फोथायलायनायनि, गोरोबलायनायनि जोंथि नेरसोन फोरमायो । बैसागु  मेथाइफोरनि गेजरजों गोबां सावगारि बेरखांनाय नुनो मोनो । जेरै:

i) मिथिंगानि सावगारि बेरखांनाय बैसागु मेथाइ,

ii)हाबा मावनाय दांनायनि बाथ्रा बेरखांनाय बैसागु मेथाइ,

iii) मोजां मोननाय सानस्रि बेरखांनाय बैसागु मेथाइ,

iv) दाहानि देंखो बेरखांनाय बैसागु मेथाइ,

v) जंखायनाय सानस्रि बेरखांनाय बैसागु मेथाइ

            गोजौआव मख’नाय बादियै मेथाइयाव बेरखांनाय सावगारिफोरखौ फोरमायनो नाजानाय जाबाय:

i) मिथिंगायारि सावगारि बेरखांनाय बैसागु मेथाइ

बैसागु आय बैसागु

बोथोर गोजामा थांलायबाय

बोथोर गोदाना फैलायबाय

बैसागु आय बैसागु

बोथोर गोदाननि बार मोननानै

दंफां लाइफाङा,

दावमा दावसाया

रंजाखांबाय हनै

फैदो दिनै बयबो

बोराय बुरै सेंग्रा सिख्ला

गथ’ गथाइ रंजादिनि ।

 ii) हाबा मावनाय दांनायनि मेथाइ: बर’ सेंग्रा सिख्लाफोरा बैसागु मेथाइनि गेजेरजों मावनाय दांनायनि सांग्रांथि फोरमायो ।

आगै मोनबारिनि,

माय गायनाया आगै माय गायनाया

गेजेराव दावब’ लामा

गोसो होनानै गाय आगै

माय जायाबोला

जोंलाय माखौ जानो आगै माखौ जानो

सिख्लायाबो फिनो-

आदा सायाराम गाजोला

हाल एव आदा खदाल जाव

हाल एवाबोला खदाल जावाबोला

जोंनि नख’रालाय माखो जानो

आदा माखौ जानो ।

iii) मोजां मोननाय सानस्रि बेरखांनाय मेथाइ:

            सेंग्रा सिख्लानि मोजां मोननाय सानस्रिया बैसागु बोथोराव मेथाइनि गेजेरजों गोरबो उसिफावनानै ओंखारबोयो-

बै नुहरनाय गामिनि सोमजोरो नायनो मोजां

आगैलै नोंखौ नुवाबोला जायो गोसोआ उरां फारां

आदा हाय गुफुरै जांगिला आदै मद’

मानोथो जाखो नोंलाय आख’ फाख’।

दे बिदिब्ला बैसागु बोथोरा जोबग्रोथोंसै

बैसागु जोबब्लानो नोंखौ आं लांफैनोसै ।

iv) दाहानि देंखो बेरखांनाय बैसागु मेथाइ:

            गोसोनि हास्थायनाय, लुबैनाया मोनफुंजोबा, सेंग्रा सिख्लानि सिमांआबो जाफुंजोबा बेफोरनि दाहाया बैसागु मेथाइनि गेजेरजों बेरखाङो-

आंखो लांफै आदा आंखो लांफै

जामफै सेरावनि सायाराम मान्दार बिबार

आदा सायाराम मान्दार बिबार

आंखौ लाङाबोला हांमा थागोन आदा

बर’ मुंजों मुसे हांमा थागोन

हारसा मुंजों मुसे हांमा थागोन

बिखायाव दावदाव थागोन

आदा सायाराम मान्दार बिबार

v) जंखायनाय सानस्रि बेरखांनाय मेथाइ:

            बैसागु रंजानायाव जंखायलायनाय मेथाइया जोबोर मुजिहावथारो । जंखायलायनाय मेथाइफोरा बैसो आरो सोमोन्दो लानानै गोबां दं । जेरै: मेगन खेबलायनाय, सेग्रा-सिख्लानि जंखायलायनाय, बिगुमै बिबोनां जंखायलायनाय, बिबाजैफोरजों जंखायलायनाय, बेवाइफोरखौ जंखायनाय, बिखुनजो बिजामादै जंखायलायनाय बायदि बायदि ।

क) सेंग्रा सिख्ला जंखायनाय-

सेंग्रा:            खान्थाल बिलाइ सब सब

                  थाइजौ बिलाइ स्रब

                  गोमो गोजा गाबनाय सिख्लाया

                  आंनि नआव थ्रोब

                  आंनि नआव थ्रोब

सिख्ला:        खुसिया लानजाइ लरो लरो

                  मा बिलो हाय बिमा बिलो?

                  बिखुनजोखो गोसो थोनायो

                  सोर जोहोलाव बि

                  सोर जोहोलाव ।

ख) बिखुनजो/बिजामादै जंखायलायनाय:

बिखुनजो:     बिलो बिदांनि ना खावै

                  अ’ आयै ना खावैनोंजा

                  जोंहा जावैया रावै बा

बिजामादै:     आदै थिलाला आयै नोंजा मादैया

                  गन्थं जंजिर जिर आय नोंजामादैया

                  जानथि सेरथे थे आयै नोंजामादैया

ग) बिगुमै बिबोनां जंखायलायनाय:

 बिगुमै :        ओइ बिबोनां गदाय

                  आगै मोनबारि बिबारि

                  फै मोसानि सनाफोर

                  बयबो सारि सारा

बिबोनां:        फर्वत जरायाव दंफां दाननो

                  थांबोला थांबोला

                  साल ज’रा माखु ज’रा

                  लाबो लाबो गुमै लारु बान्दारु

            जोबथारनायाव बुंनो हायो दि बैसागु रंजानाय आरो बैसागु मेथाइया बोथोर आरो मिथिंगानि हांख्रायनायाव गावनो गाव उसिफावनाय गोसोज्लिउनि बोरखांनाय महर । मिथिंगा बिमाजों सुबुं माहारिनि जा सोमोन्दो बेनिफ्रायनो सोमजिनाय । मिथिंगानि दंफां लाइफां, बिबार, बिथाइ-फिथाइ आरो दैमा दैसा, हाजो हालाफोरखौ लानानै सेंग्रा सिख्लाफोरा गावनि मोजां मोननाय, दाहा-जिंगा, हास्थायनाय-लुबैनायखौ बैसागु मेथाइनि गेजेरजों बेखेवसारना होयो । मिथिंगानि समायना रमायना गानफबनायजों बोथोर गोदान सफैनाय लोगो लोगो बैसागु मेथाइफोराबो समायना गाब आरो रुपजों जोंखोल जायो । खाम, सिफुं, जथा, सेरजा, गंगनाजों मिथिंगा बिखाया गोमखांलायो । गोदान बोथोर फैलायो हालो दैलोयै, रंजा बाजायै । ❏❏❏

N.B.: This article was published in the 8^th issue “Rongjali” the mouth piece of Kalaigaon Bisungra Harimu Afaad in the occation of its Rongjali Bwisagu Celebration, 2017 at Gandhi Bakari, Kalaigaon.