Sadness: दुखु आरो माखासे गोसोनि बाथ्रा

Sadness: दुखु आरो माखासे गोसोनि बाथ्रा

दिनै फुंआव सासे लोगोनि मोनसे मोजां खन्थाइ फरायनो मोनबाय

“जिउवालाय आरो बेदिनोसै..

गसाइजों लिरखाजानाय रेखा

गासैनियाबो गासैजों गोरोबलाया.....”

                                           

            साननैसोनि सिगांनिफ्राय मोनसे बाथ्राया आंनि गोसो-गोरबोआव गोबां दुखु होदों । दैनि बेदलावा सिथाबनानै थानाय बादि दुखुआ नागारनो लुबैयाखै । बेयावनो आरो माखासेनि जोंनाय अराव घिउ लुनानै होनाय बादि बाथ्रा, खौरां आरो जाथायफोरा गोसोआव रासिन दुखु होदों । बेबो आरोबाव गावनि लोगोफोरनिफ्राय खोनाननै, मिथिनानै जोंब्लावनाय अराव आगान गानाय बादि मोनसे असदा मोन्दांथि जादों । फुंआवनो  बे खन्थाइखौ फेसबुकाव मोननानै गोसोआव एसे गोजोननायबो मोनदों । नंमारगौ सबनिबो जिउनि लिरखाजानाय सल’फोरा एखे नङा ।

             दुखुखौ इंराजियाव सेदनेस (Sadness) होनना बुंनाय जायो । बुहुमाव एरैबादि सुबुं गैया जाया जिउआव जेब्लाबो दुखु मोनाखै एबा दुखु जायाखै । गावआरि आरो बाइजोआरि जाहोनाव गोबां समाव जों दुखु खालामनो गोनां जायो । मानसिनि दुखु नांनाया बेराम नङा । बेयो बेराम जानो हाया । मानोना दुखु नाङोब्लाबो बे दुखुआ थाजोर नङा- दान्दिसे समनि थाखाय एबा साननैसोनि थाखाय दुखुआ थायोब्लाबो उनाव गावनो गाव बेयो मोजां जालाङो । बेखायनो दुखु आरो सुखुखौ जिउनि लोगोरि होननानै बुंनाय जायो । जायखि जायाथों जेब्लानो मानसिया गावनि गोसोनि लुबैनाय-हास्थायनायफोरखौ मोननो हाया अब्लानो गोसोआव दुखु मोनो । बे दुखु जानायनि जाहोनफोरा गुबुन गुबुन मानसिनि गुबुन गुबुन जानो हागौ । गाहायाव माखासे जाहोनफोरखौ मख’नो नागिरनाय जाबाय-

क) सोलेरारि जाहोन (Physical Causes)

ख) गोसोआरि जाहोन (Psychological Causes)

ग) बाइजोआरि जाहोन (External Causes)

घ) गावआरि जाहोन (Personal Causes)

क) सोलेरारि जाहोन:

            जेब्ला देहा एबा सोलेराव माखासे सोलायनायफोरा जायो अब्ला गोसोआव दुखु जायो । जेरै होनब्ला – बेराम आजारफोर जायोब्ला - गोरबोनि बेराम (हार्ट दिजिस), दायेबेटिस, आलजाइमार, खिनाय-हासुनाय बायदि बायदि । आइजोफोरनि बायदिसिना मेनसुरेसन जानाय सिगां एबा मोदोमाव थानाय समाव हरमननि जेंना आरिफोर जायोब्ला दुखु जायो । सोलेरारि बे दुखुआव भुगिनाय मानसिनि अनगायै नख’रनि मानसिफोरखौबो दुखु होयो । बर’फोरनि नख’राव जौ-सेरेप लोंनानै गोबां मानसिफोरा बायदिसिना बेरामाव भुगिनो गोनां जायो । बे फेग्रा मुवा-बेसादफोरनिफ्राय मायबाफोर मुलाम्फा जायो होनना आं साना । जायनि थाखाय जौखौ जोंनि हारिनि साव होननानै बुंनो हायो ।

ख) गोसोआरि जाहोन:

            गोसोआरि बायदिसिना जाहोना जोंनि गोसोआव दुखु होयो । गोसोआरि माखासे जाहोननि बिदिन्थि हिसाबै जों बुंनो हायो- सोरबा नख’राव मानसिफोर थैयोब्ला, सन्मान हानि जानाय, इनकाम एबा आरजिनाय, फोथायनाय एबा  इयुनाव मा जाहैगोन साननानै आसा गोमानाय, लामा आन्दायनाय बायदि बायदि । माखासे खामानि जायफोरखौ जों जेब्लाबो जाफुंहोनो हाया एबा जोंनि केपासितिनि गोबां गोजानाव बेबादि बाथ्राफोरखौ साननानै जोंनि गोसोआव दुखु मोनो । जेब्ला सोरबा माइबा जाहोनाव नख’रनिफ्राय गोजानाव थाहैनांगौ जायो  अब्लाबो गावनि नख’रनि आंगो बाय बाहागि बिथांमोनखौ गोसोखांना दुखु मोनो । मालाबा जिउआव बुंनाङै बाथ्राफोरखौ सोरबा लोगोनि सिगाङाव बुफ्लांबाबो बे बाथ्राया जोंखौ गोबां दुखु होयो । गोबां बोसोरनि सिगाङाव सासे गामिनि मानसिनि मोनसे बिसाराव आं बिनि खामानियाव जोबोद दुखु मोनदोंमोन । जेब्ला बिसार सोलिगासिनो दंमोन आं मोनसे बाथ्रा गोरोन्थियै बुंफ्लांदोमोन । जाथाय जानाया गोबां बोसोर बारलांबायब्लाबो नाथाय बे बाथ्राया आंखौ दाबो दुखु होयो । बेबादि गोरोन्थि मावफ्लांनाय खामानि आरो गोरोन्थि बुंफ्लांनाय बाथ्राफोरखौ मानसिया जेब्लाबो बावनो हाया । जानो हागौ गोसोआव एरख’ एरख’ दुखु होनाय बे बाथ्राफोरखौनो फाफ होननानै बुङो ।

ग) बाइजोआरि जाहोन:

            जेब्ला जों सोरबा दुखुथिया मानसि लोगो मोनो अब्ला जों बिथांमोननि दुखु खोनानानै एबा मिथिनानै जोंनि गोसोआव दुखु नाङो । बिथांमोननि बाथ्राफोराव बाहागो लानायनि जाहोनाव जोंनि दुखु नाङो आरो जों बिथांमोनखौ बुजायनो नागिरो । बिदिन्थि हिसाबै जोंनि हारिनि सोरबा मानसिया गुबुन मानसिजों थगाय जायोब्ला, जोंनि गोसोआवबो दुखु नाङो । थांनाय 2011 मायथाइयाव जेब्ला दरं, उदालगुरि, कक्राझार, सिरांनि दाब दाब जायगायाव बर’फोरा बांलादेशीफोरजों दाङाबाजि जानानै जायफोरा नख’र, बारि-बागान, जिउ खहा जादोंमोन; बे बाथ्राफोरा जोंनि हारिनि साफ्रोमबो मानसिखौनो दुखु होदोंमोन । माखासेया हिन्दु दोहोरोमारि बर’फोरा मुसलिम बांलादेशीफोरनिफ्राय गोबां दुखु जारला भुगिनो गोनां जादों होनना भारतनि खना-खनलानि हिन्दु दोहोरोमारि मानसिफोरा दुखु खालामदोंमोन । बिथांमोना जोंखौ मिथिया, जोंजों जेबो बाय-बाहागिबो नङा; नाथाय गावनि दोहोरोमारि मानसिनि दुखु-जारलाया बिथांमोनखौ बाइजोनिफ्राय दुखु खालामनो बाध्य खालामदोंमोन ।  

घ) गावआरि जाहोन:

            गावआरि जाहोन होनना बुङोब्ला जाय बाथ्रा एबा जाथाइफोरा जोंखौ गावनि खामानिनि थाखाय दुखु होयो बेफोरनो गावआरि जाहोन जानो हागौ । गावनि गोबां जाहोननि थाखाय सासे मानसिया दुखु जानो हागौ । जेरैबादि साफ्रोमबो मानसिनि मावनाय दांनाय, जानाय-लोंनाय, आखल-आखुफ्रा एखे नङा; थिक बेबादिनो गावारि गियान-बुद्धिफोराबो एखे नङा । गोबां मानसिया फिसा-फेनला जाथाइ एबा बाथ्रानि थाखायबो दुखु खालामनो हागौ । नाथाय बे एखे बाथ्राखौनो गुबुन सासेया साधारन बाथ्रा होनना मानिना लानो हागौ । बेनिखायनो दुखु खालामनायनि गावआरि जाहोनफोरा सरासनस्रायै गुबुन गुबुन जायो ।

            बोराय बैसोनि मानसिफोरा सेंग्रा बैसोआव गावनि मावबोनाय गोबां खामानिनि थाखाय दुखु जायो । थिक बेबादिनो माखासे मानसिया दुखुनि मेथाइ (Sad Music) खोनानैबो दुखु खालामो । इं 2011 मायथाइयाव सासे लिरगिरिया ‘Psychology of Aesthetics, Creativity and the Arts’ आव दुखुनि देंखो एबा मेथाइफोरा जोंखौ दुखु होनो हायो नामा बेनि सायाव बिजिरसंदोंमोन । लिरगिरिनि बादिब्ला सासे मानसिया दुखुनि मेथाइ खोनासंबाय थायोब्ला बिनि गोसोआ मेथाइजों गोरोबलाङो आरो दुखु खालामनो लायो । बड’लेण्ड सोमावसारनायनि जायफोर सोमावसारारि दुखुनि मेथाइफोर सोरजिदों, बेफोरखौ खोनासंनानै बर’ बिमाया इनाय अनागार खालामजानाय बाथ्राफोरखौ गोसोखांना जोंनि गोसोआव दुखु नाङो । बेबादि लाइमोन सेंग्रा-सिख्लाफोरा रमान्टिक मेथाइ, गोसो थुलायनाय मेथाइफोरखौ खोनासंना मेथाइजों गोसोआ गोरोबलाङो आरो दुखु खालामनो लायो ।

मा माया माया सिमां

मा माया माया सिमां

दानसोरां बर’

              दिनै सानाव उन्दुलांनायाव मोनसे सिमां नुबाय । समायना सिमां, सोरनिबा हाबा, सासे महरगोसा सिख्ला, रायज्लायनाय । सिमांनि जाथायफ्रा आबुङै गोसोआव गैयाब्लाबो लिरनानै फोरमायनो नागिरनाय जाबाय ।

            सोरनिबा नख’राव हाबाफोर दङमोन । सोरनियावमोन सिमाङाव हमनो हादोंमोनब्लाबो मोगथांआव हमस्लाबनो हायासै आं । जों बायदिसिना खामानि मावगासिनो दं । गुबुनफ्राबो गावबा गावनि खामानि मावगासिनो । जाथाय जायगाया बहामोन मिथिया । नाथाय सिमांआव गामिनि जाथाय बादिनो नांदोमोन आरो गासैबो जेन सिनायो । गामियारि रावजों / सोदोबजों जायखौ जों ल’केल (Local) होननानै बुङो ।

            दानिया फैदो गुबै बाथ्रायाव / गुबै जाथायाव । सासे महरगोसा समायना सिख्ला । ABSU नि वारकार । कलाइगाव दख’रा बर’ फरायसा आफादनि सासे सोद्रोमा बियो । गोबां बोसोर सिगांनिफ्राय दिनैसिम आंबो एखे दख’रा आफादनिनो सासे सोद्रोमा / बिबानगिरि ।

            बे सिख्लाखौ गोबां दिननि उनाव लोगो मोनलायनानै गोसोआ रंजाखांदों । रिमझिम-रिमझिम जाख्रिसे अखा हाखांनाय उनाव सान्दों दुङोब्ला सोरगिदिं सोमखोर समायना नुयोब्ला गोसोआ रंजाखांनाय बादि जादों । समायना बिबार बारियाव गोसो मुहिनाय बोथोराव बाहां-बिरहां सिखिरिया बिदै सोबनानै रंजालायनाय बादि मोन्दांदों । समायना मोनसे मोन्दांथि । सोदोबजों बेखेवजोबनो हायि ।

हे गसाइ! मा एसे समायना नोंनि सोरजिनाय !

बावगरलाङोब्लाबो गोसो जाया बावगरहोनो,

नोंनिल’ सावगारि बेरखांहोनो नागिरदों

आंनि गोसो गोरबोआव ।।

सोरमोन नों एसे समायना मोन्दांथिनि

सिमांनि रानि फैमारनांगोन नों आरोबाव       

नोंनि गोदै गारांजों खोनानांगोन आं नोंनि मुं ।।

            जों सानैजोंबो मोजाङैनो सिनायलायो । सानैजों सिथ्लायाव जिरायनानै माखासे बाथ्रा रायज्लायदों । बिनि नआ भुञाखाटथिंमोन । नाथाय एकजेक गामिखौ मिन्थियामोन आं ।

  बेखायनो सोंदोंमोन आं बिखौ – “नोंनि नआ भुञाखाटथिं नङामोन जां ? दैसाखौ बारनानै भुञाखाट मोनहैना मोननै लामा मोनो । बेखिना बारनानै भुञाखाट मोनहैना मोननै लामा मोनो । बेखिनियावनो Confuse जायो आं । मोनसेयाथ’ सिधा थांनांगौ आरो मोनसेया आगदाथिं दुब्लि गेजेरनि लामा ? बे लामाजोंनो सिगाङाव जों थांलाय फैलाय खालामोमोन ।”

            बिनि बादिब्ला दुब्लिनिथिं लामा थानायखौ बियो मिन्थिया । बिसोरो सिधाहैनो थांलाय-फैलाय खालामो । बिनि नआ फाखोसे गिदिंनानै लासटाव मोनहैयो । आस बोनानै दिन्थिनायाव बुजिबाय आं- खावसे बेंखन बादि लामाया, गिबियाव दुब्लि गेजेरनि लामा, बेनि उनाव गामिखौ मोनहैयो । गामि नख’रफोरा सारियै फारसेल’ लामानि जिङाव । फार्से दुब्लि आरो फर्से बारि  बागानजों गामिनि नख’रफोरा । भुञाखाट बारनानै जागायजेननायनिफ्राय आगसिथिं दुब्लि आरो आगदाथिं नख’रफोरा । गामिनि लामाया बेंखन बादि नाथाय बेंखन जानो फुरायै नांजाबहैयाखै । बिनि नआ जोबथा नआनो ।

            आं मिथिबाय आंनि Confuse जानाय जायगानिफ्राय बिनि नख’रा एफाबां गोजानाव नङा । बिजों रायज्लायनायाव गोसोआ जोबोद रंजाखांदोंमोन । दख’रा आफादनि खुगा लाइसियावबो बिनि मुंखौ नागिरद्लाबायदोंमोन ।

            बे समावनो सिरि मोनबाय आं । मिज्लौ-मिज्लौ सिमांनि बाथ्राखौ गोसो खांबाय । सिरि मोनखांनाय उनावबो गोसोआ रंजाखांबाय । आंनि मिथिनायावथ’ भुञाखाट साइदनि रावबो सिख्ला दख’रा आफादनि सोद्रोमा नङामोन । लोगोसे बेयाव सिख्लाया फोरमायनाय बादि जायगाबो गैया । खुगा लाइसिनि बाथ्राखौ गले-गले गोसोखांदों । मोगथाङावनो Confuse बो जादों आङो । गोसोआव हाजासे गोजोननायबो मोन्दों । मिनिनोसो ओंखारलाङो- फाग्ला-फाग्लासो- हा: हा: हा: ।

           सिरि मोननानैनो सान्दों आं – सोरमोन बै सिख्लाया ? आंथ’ बिनि महरखौ मोजाङैनो सिनायो । दानदिसे उनाव मिथिबाय – नाथाय गाज्रि दामोन राइजोफोर,  सिख्लानि मुंखौ आरो जायगाखौ फोरमायनो लुबैयासै आं ।

            मोनसे बाथ्राया जाहैबाय - सिमांनि जाथायाबो गुबुन आरो जाथाइनि गुबै आखुथाइ (Character) सिख्लायाबो गुबुन । मा माया माया सिमां.......!!!!!!!

 

राइजो राजा आरो लोगोफोर नोथांमोननि मतथाइ आरो कमेनस मोनगोननानै आसा लाखिबाय

Hello Buddies Hope to hearing from you

माखासे साननाङै बाथ्रा

माखासे साननाङै बाथ्रा

कलाइगावाव बर’ बिजों, टिउसन आरो बर’ सोलोंथाइ

                मानगोनां राइजो राजा नोंथांमोन, गिबि गिबियावनो बयनिसिमबो सोलोंथाइ सोमावसारारि गोजोन हामलायनाय बाउहरग्रोबाय । कलाइगाव हालामनि सोमोन्दै गोबांआनो खोनादों जानो हागौ आरो गोबाङानो बे ओनसोलनि सोमोन्दै मिथिबाङा । अदालगुरि जिलानि खोलाहा बि.टि.ए.दि. नि सिमायाव थानाय जिलानि बे मोनसे गोनां बाहागो । बे ओनसोला गुबैयै मोनसे फालांगियारि मिरु । बे ओनसोला जिलानिफ्राय दरं जिल्लाजों नांजाबनानै दं । बेनिफ्राय गुबुन गुबुन ओनसोलाव थांनायनि फोनांजाब आरो हान्था-मेलानि राहाफोरा मोजां । जायनि थाखै अदालगुरिनि मोनफ्रोमबो ओनसोलनि मानसिफोरा बे ओनसोलनि सोमोन्दै मिथियो ।

                जायखि जायाथों, दिनै जों बेयाव कलाइगाव हालामनि बायदिसिना सोलोंथाइयारि आबहावा आरो माखासे ओनसोलारि जेंनानि सोमोन्दै सावरायनो नागिरनाय जादों । आसा खालामो फरायगिरि राइजो-राजा नोंथांमोना बे आइदानि सायाव गावबा गावनि मतथाइ फोरमायगोन ।

                कलाइगाव ओनसोला गोबां हारि-हारिसानि गोजोन फुरि । हारि हिसाबै मोनफ्रोमबो हारिफोरखौ गुबुन गुबुन बाहागो रानोब्ला बर’ हारिनि सुबुं अनजिमायानो बांसिन जागोन । नाथाय असमीया राव रायज्लायनायफ्रानो असमीया होनोब्ला असमीया हारिनि मानसिफोरानो बांसिन जागोन । जायखि जायाथों दिनैनि मुगायाव आसामनि मोनफ्रोमबो फिसा-फिसा हारिफोरा गावबा गावनि सिनायथि आरो थामोनथा रैखाथिनि थाखाय गावसोरखौ असमीया नङा होनना फोरमायबाय । बे हिसाबै कलाइगावआव थानाय माखासे गाहाइ हारिफोरानो जाबाय असमीया, बर’, राभा, राजबंसि (गावसोरखौ क’स राजबंसि होनना बुङो ), चरनीया, मुसलिम (मिया आरो गोरिया), बेंगलि, बिहारि, मारुवारि, गार’ बायदि बायदि ।

                दायो जों गुबै बाथ्रायाव फैनिसै । दिनैनि सावरायनो नागिरनाय गुबै आइदाया जाहैबाय कलाइगाव ओनसोलनि बर’ बिजोंनि माखासे साननोनाङै बाथ्रा । कलाइगाव हालामनि बर’फोरा बर’ राव रायज्लायो ना असमीया ना गावनि हारिनि गासैबो बावगरजोबबाय ?  कलाइगावनि बर’फोरा कलाइगाव टाउन ओनसोलाव गैया नामा ? कलाइगावनि साफ्रोमबो गलादार आरो फालांगियारिफोरा गुबुनारिजोब मानो ? मानगोनां फरायगिरि राइजो-राजा नोंथांमोननि बे बादि बायदिसिना सोलुंफोर सिखांदों जानो हागौ । नङा होमबा ?

                कलाइगावनि बर’फोरा माब्लानिफ्राय बे ओनसोलाव गोजोरै थाफैदोंमोन बेखौ मिथिनाय जायाखै । नाथाय जेब्ला बे ओनसोलाव आजै-आजौमोना दङमोन बिथांमोना बर’ रावजोंनो रायज्लायदोमोन । गोबां आबै-आबौमोनखौ आं नुनो मोनाखैब्लाबो जाय बिथांमोनखौ लोगो मोनदों बिथांमोना बर’नो रायज्लायोमोन होनना मिथिनो मोनो ।

आद्रा लिरबिदांनि बाहागोखौ साननैसोनि उनाव फरायनो मोनगोन

Science information

১৷ সাধাৰনতে মানুহে ঠান্ডা জাতীয় বস্তু খালে অৰ্থাৎ বৰফ, ঠান্ডা পানীয় আদি খালে শৰীৰটো ঠান্ডা পৰি যায়৷ আকৌ চাহ, গৰম গাখীৰ আদিকে ধৰি অন্যান্য উত্তপ্ত অৱস্হাত থকা বস্তু খালে শৰীৰটোত গৰম অনুভৱ কৰা যায়৷ কিন্তু কি আচৰিত – কেতিয়াবা মানুহৰ বৰফ আদি ঠান্ডা বস্তু খালে শৰীৰত ঠান্ডা লাগে৷ এতিয়া প্ৰশ্ন হ’ল – এই আচৰিত অনুভুতিটো মানুহৰ কেতিয়া আহে ?

উত্তৰঃ “চিগুৱেটেৰা” (Ciguatera) নামৰ এবিধ ৰোগ হলে৷

২৷ আই কিউ বা ইনটেলিজেন্স কোছেন্ট কি?

উত্তৰঃ আই কিউ মানে হ’ল বুদ্ধ্যাংক, অৰ্থাৎ বুদ্ধিৰ পৰিমান৷ ইয়াৰ গনিতিক সংঞ্জা হ’লঃ-
I.Q. (বুদ্ধাংক) =(মানসিক বয়স)/(স্বাভাৱিক বয়স)×১০০
সাধাৰনতে ৮ বছৰীয়া ল’ৰা বা ছোৱালী এজনীয়ে যদি ১০ বছৰীয়া ল’ৰা বা ছোৱালী এজনীয়ে কৰিব পৰা সমস্যাৰ সমাধান কৰিব পাৰে, তেন্তে সেই ল’ৰা বা ছোৱালী জনীৰ স্বভাৱিক বয়স ৮ বছৰ হলেও মানসিক বয়স ১০ বছৰ ধৰি I.Q. উলিওৱা হয় ৷

Short Life History of Nerson Baro (नेरसन बर’नि सुंद’ जिउ जारिमिन)

नेरसन बर’नि सुंद’ जिउ जारिमिन

(Short Life History of Nerson Baro)

जोनोम:

                नेरसन बर’आ इंराजि 1992 मायथाइनि 13 दिसेम्बराव चेप्टाझार गामियाव जोनोम जायो । बिफानि मुङा रुंसारि सेनि राम बर’ आरो बिमानि मुङा सनदिका बर’ । नख’रनि सोद्रोमा हिसाबै बिसोर साब्रैमोन- बिमा, बिफा, बिब’ आरो नेरसन । उन्दैनिफ्रायनो बिमा बिफाया गावनि नख’रखौ लानानै गोबां सिमां रनसायदोंमोन । नाथाय दुखुनांथाव बाथ्रादि दानसे खावसे दाननि सिगांसो बिफा सेनि राम बर’आ थैलांदोंमोन । खार्जोनि थाखाय बन सिननो सानसे थानायावनो दुखुथिया नख’राव आरोबाव मोनसे दुखुआ साग्लोबफैयो ।

फरायसा सम:

                गामियाव थानाय चेप्ताझार गुदि फरायसालियाव जागायजेननानै गेजेर फरायसालिखौ चेङापथार गोजौ फरायसालियाव फरायहैयो। बेनि उनाव सइकियापारा (काथपरि), मेनापारा, मंगलदैयाव थानाय काथपरि शंकरदेब गोजौ फरायसालियाव फरायहैयो। बेयावनो बियो इंराजि 2011 मायथाइयाव थामथि थाखोआव गोजौ फरायसालिनि जोबथा आन्जादखौ उथ्रियो। बेनि उनाव कलाइगाव हालामाव थानाय कलाइगाव कलेजाव हाइयार चेकेन्दारियाव मुं थिसनफैयो। नाथाय नख’रनि रांखान्थियारि लोरबांथिनि थाखाय बिथाङा आद्रायावनो फरायनायखौ गारनो गोनां जायो ।

समाजारि खामानि दामानि:

                गामिनि संघ चेप्ताझार जोंदाव क्लाबनि बिथाङा सासे आफादारि नेहाथारिमोन । थैनाय सानसिम बिथाङा गामिनि मोजांनि थाखाय साननानै संघनि बायदिसिना खामानि दामनिफोराव जेब्लाबो लोब्बा थायोमोन । एखे रोखोमै बिथाङा गामिनि सामलाय आफादनिबो सासे सोद्रोमामोन । बियो जायखि जाया समाजारि खामानिफोरखौ मावनो मोजां मोन्दोंमोन । मानसि हिसाबै बियो खैफोद आफोदनि समाव गामिनि मानसिफोरखौ हेफाजाब खालामदोंमोन ।

                कलाइगाव कलेजाव फरायफुबाय थानाय समनिफ्रायनो बियो बर’ फरायसा आफाद आरो जायखि जाया सामाजारि खामानि दामनिफोरजों लोब्बा दङमोन । दख’रा आफादनिफ्राय हांख्रायनाय जायखि जाया सोमावसारनाय हाबाफारिफोराव बाहागो लानायनि थाखाय बिथांखौ दख’रानि सिङाव थानाय सोनाब कलाइगाव युनिट कमिटि एबसुनि सोद्रोमानि बिबान होनाय जादोंमोन । बेनिखायनो बियो दुलाराय बर’ फरायसा आफादनि जायखि जाया हाबाफारिफोराव मैखोमै बाहागो लाफैदोंमोन । साननैसो सिगाङाव आलादा राइजो बड’लेण्ड दाबिनानै मावफुंलांनाय गोलाव साइकेल रेलि हाबाफारियाव गामिनिफ्राय लोगोफोरजों लोगोसे बिबो बाहागो लाफैदोंमोन । गामिनि गेजेराव बयबो बिखौ गावसोरनि दैदेनगिरि बादि मानिदोंमोन । बिनि दैदेननायावनो गामिनिफ्राय लाइमोन बिथांमोना बायदिसिना हाबाफारिफोराव बाहागो लाहैयोमोन ।

थैनाय: 

                थांनाय 28 आरो 29 दिसेम्बर, 2016 आव जथायै खुंफुंनाय कलाइगाव दख’रा एबसु आरो आबोफनि फारियै 37थि आरो 17थि बोसोरसालिया जथुमानि कलाइगाव दख’रा बर’ फरायसा आफादनि थान्दै मेलाव गामि आफादनिफ्राय नेरसन बर’ आरो बिनि लोगोफरखौ लाना थान्दै हिसाबै गारि गंसे हमना बाहागो लानो दैथाय हरदोंमोन । गामिनिफ्राय हरनि 7:00 बाजियाव बिथांमोना बाहागो लाहैनो होनना गारियाव गाखोयो । जथुमा जायगा हाबिझार गामिनिफ्राय एसे गोजानाव थानाय मंगलदै भुटियासां लामायाव उनथिंनिफ्राय गोबारै सालायनाय गंसे एल्ट’ गारिया बिसोरनि अट’ गारिनि उनथिं सौदावफैयो । अब्ला समा हरनि 7:30 रिंगाबायमोन । गोबां गोब्राब जखम जानायलाय 108 एम्बुलेन्स लानानै गुवाहटिनि दिसपुर पलि-क्लिनिक हसपिटलसिम दैथाय हरो । नाथाय दुखुनांथाव बाथ्रादि बिथांनि जिउखौ अबंलावरिया अबथिरायै बे संसारनिफ्राय सेख’नानै लाङो हरनि 1:30 रिंगायाव (29-12-2016) । 

A Joke in Assamese (comment and Share More with us that you know)

এজন যুৱক I.A.S ৰ ইন্টাৰভিও দিবলৈ গ'ল....

তেওঁক সোধাহল ভাৰত কেতিয়া স্বাধীন হৈছিল..?

যুৱক : = চেষ্টাতো বহুত আগৰপৰাই আৰম্ভ হৈছিল কিন্তু সফলতা লাভ কৰিছিল ১৯৪৭ চনত।

দ্বিতীয় প্ৰশ্ন := আমাক স্বাধীন কৰোৱাত মুখ্য ভুমিকা কোনে লৈছিল..?

যুৱক: = তাত বহুতৰে সহযোগিতা আছিল, কাৰ নাম ক'ম..? যদি কোনো এজনৰ নাম কওঁ বাকি সকলক অন্যায় কৰা হব।

তৃতীয় প্ৰশ্ন := ভ্ৰষ্টাচাৰ আমাৰ দেশৰ সকলোতকৈ ডাঙৰ সত্ৰু নহয়নে..?

যুৱক := এই বিষয়ে চৰ্চা চলি আছে। শুদ্ধ উত্তৰ তেতিয়াহে দিব পাৰিম যেতিয়া ৰিপৰ্টতো চাবলৈ পোৱা হব।

ইন্টাৰভিউ বৰ্ডে
যুবকজনৰ সুন্দৰ উত্তৰ দিয়াৰ কাৰণে তেওঁক বহুত প্ৰশংসা কৰিলে। আৰু ধন্যবাদ দি যুবক জনক যাবলৈ কলে, কিন্তু এটা সতৰ্কবানী শুনালে, বাহিৰত আশাৰে বহিথকা কাকোৱেই যেন আমি সোধা প্ৰশ্ন কেইটা নকয় কিয়নো একেই প্ৰশ্ন তেওঁলোককো সুধিব লগা হব পাৰে।

• বাহিৰলৈ অহা লগে লগে কি কি প্ৰশ্ন কৰিছিল বাকি পৰীক্ষাৰ্থী সকলে যুবকজনক সুধিলে। কিন্তু যুবকজনে কবলৈ নিবিচাৰিলে।

তেনেকুৱাতে চুকত বহিথকা হিৰকে মাত লগালেঃ

"যদি প্ৰশ্ন কেইটা কবলৈ বেয়া পাইচ উত্তৰ কেইটাকে কৈ যা..?"

যুবক জনে হিৰকক থামতে উত্তৰ কেইটা কৈ দিলে।

"এইবাৰ হিৰকৰ ইন্টাৰভিউৰ পাল"।

ইন্টাৰভিউ বৰ্ডৰ পাপুলৈ চিধা প্ৰশ্ন .....

"আপোনাৰ জন্মৰ সময়..?

হিৰক : = চেষ্টাতো বহুত আগৰপৰাই আৰম্ভ হৈছিল কিন্তু সফলতা লাভ কৰিছিল ১৯৪৭ চনত।

ইন্টাৰভিউ বৰ্ড "কনফিউজ" হৈ গল। আৰু দ্বিতীয়টো প্ৰশ্ন সুধিলে : " আপোনাৰ দেউতাৰ নাম কি...?

হিৰক = তাত বহুতৰে সহযোগিতা আছিল, কাৰ নাম ক'ম..? যদি কোনো এজনৰ নাম কওঁ বাকি সকলক অন্যায় কৰা হব।

বৰ্ডৰ মানুহ কেইজনে থত মত খালে, আৰু কলে " তুমি পাগল হৈছা নেকি...?" .

হিৰক := এই বিষয়ে চৰ্চা চলি আছে। শুদ্ধ উত্তৰ
তেতিয়াহে দিব পাৰিম যেতিয়া ৰিপৰ্টতো চাবলৈ পোৱা হব ।। 🔴🔵

BERMUDA TENTACLES, download full movie

Download this movie now

400mbps

Bermuda Tentacles (2014) [Worldfree4u.trade]x264 480p BluRay Eng Subs {Dual Audio} [Hindi -English] . mkv Rise Of The Planet Of The Apes (2011) [Worldfree4u.trade] 720p BRRip x264 [Dual Audio] [English-Hind . mkv

HD

Bermuda Tentacles (2014) [worldfree4u.trade] x264 720p BluRay {Dual Audio} [Hindi - English] ESub . mkv

Bermuda Tentacles is an American television movie made by The Asylum in 2014 for the Syfy channel. The film stars Linda Hamilton as a US Navy admiral. The film premiered on April 4, 2014.The film is also dubbed in Hindi and many Indian languages...