Jwi Bwrai Bathow

Article in Bodo language

“गोदान रांखान्थिनि नेमा घुस हारिमुखौ बन्ध खालामगोन”

दानसोरां बर’, एम.ए.

थं: बतियामारि, कलाइगाव, बद’लेण्द

जानबुं: 98590-15838

इ-मेइल: 1stdansw@gmail.com

                हादर दरसेनि जौगासारनाय, गोग्लैलांनाय आरो इन्टारनेसेनेल सोमोन्दोआव बेनि रांखान्थिया जेब्लाबो गोहोम गोग्लैयो । बेनिखायनो हादरनि रांखान्थिया जेब्लाबो गुबुन हादरारि रांखान्थिजों जेब्लाबो बादायलायनो हानाय मोनसे थासारियाव थानांगौ । अब्लासो बे हादरनि जौगानाय थाजोर जानायनि लामा थायो । रांखान्थि आयदानि सायाव बेबादि मोनसे गुवार आयदानि सायाव बिजिरनांगौब्ला, मायबाफोर फोसावनांगौब्ला  आयदानि सायाव गोथौ मोनसे बिजिरसंनाय थानांगोन । जायखि जायाथों आंनि नोजोरजों, गुबुयै समाजखान्थियारि नोजोरजों  आं बे आयदानि सायाव  एसे गावनि मोन्दांथिफोरखौ फोरमायनो नागिरनाय जाबाय ।

                इंराजि 2016 मायथाइनि 8 नबेम्बर खालारा भारत हादरनि जारिमिनाव मोनसे गोसोखांथाव सान जानानै थासिगोन । मानोना घुस हारिमु, गोसोम फैसा (काला धन), अगेन लामाजों आरजिनाय रांफोरखौ दबथायनो आरो होबथानो नागिरनाय मोनसे सोमावसारनाय । बेनि थाखाय बि.जे.पि. सरखारखौ जों जेब्लाबो साबायख’र बावहरो । गोबांआ साननो हागौ बेनि गेजेरजों ब्लेक मानि एबा अगेन राहाजों आरजिनाय लाख-लाख थाखाफोरखौ माबोरै होबथानायनि राहा जानो हागौ ? बेनि सोमोन्दै गाहायाव एसे सावरायनो नागिरनाय जाबाय-

                भारतनि मेलेमजिबि बिथांमोना भारत सरखारनि बे हाबाफारिखो बाख्नायदों आरो मोनसे जोबोद साहसिनि खामानि जादों होनना फोरमायदों । थारैनो बेयो मोनसे साहसनि बाथ्रा मानोना 8 नबेम्बर, 2016 मायथाइ हरगेजेरनिफ्राय 500 रां आरो 1000 रांनि नटखौ बन्ध खालामनाय जादों । बेनि गेजेरजों जायफोर लुबैसुला राजखान्थिगिरि, सरखारि माउख’नि बिबानगिरिफोरा गावजों लाखिनाय अगेन थखा-फैसा, धोन-दौलदनि थाखाय मेगन मेसेबना थाखा फैसानि सायाव उन्दुनो हानाय नङा । भारतनि दानि गाहाइ मन्थ्रि श्री नरेन्द्र मुदीनि फोसावनाय बादिब्ला हादरनि बे थाखानाय 500/1000 रांखौ गोदान नेम बादियै इनभेलिद एबा खामानि गैयै होनना फोसावनाय जाबाय ।

             

                भारतनि बि.जे.पि. नि हादरारि आफादगिरि अमित चाहनि बादिब्ला – “मोदी जी का यह निर्णय देश को काले धन के अभिशाप से मुक्ति दिलाने में एक मजबूत एवं निर्णायक कदमें है ।

                काले धन के खिलाफ इस कथोर कदम से जहाँ एक तरफ गरीब और मध्यम बर्गीय लोगों को सीधा लाभ मिलेगा वही दूसरी और ईमान्दार आयकर के साथ न्याय होगा ।

                काले धन के माध्यमसे चलने वाली  आतंकवादी गतिविधियों, द्राग माफिया, हवाला और जाली नोटों पर लगाम कसने के प्रधान मंत्री मोदी जी की इस मुहीम में आईये हम सब मिल कर सहयोग करें ।” बिथांनि बादिब्ला बे हाबाफारिया ब्लेक मानिनि हेंथायै मावफुंनाय सार्जिकेल एटाक (Surgical Attack against Black Money) ।

                भारत हादरा गंसे आबाद गाहाय हादर । आथिखालसिम बेनि बांसिन जौखोन्दो सुबुंफोरा आबादनि सायाव सोनारो । सा भारत आरो खौला भारतनि आबाद मावनाय बिखान्थिजों रुजुना नायोब्ला नाथाय सा-सानजा भारतनि बांसिन  आबादारिफोरानो  आथिखालसिम दोरोंङारि खान्थिजोंनो आबाद मावनाय नुनो मोननाय जायो । गुबुन फारसेथिं जदिउबा बे ओनसोला मिथिंगायारि सम्फदनि रुजुनायाव दोहोनि नाथाय बे सम्फदफोरखौ मानसिनि गोनांथि बादियै खामानिनि सुलुं बानायनो एबा सरकारनि फार्सेनिफ्राय बेबादि खामानि दानायनि राहा लायैनि थाखाय गुबुन राज्योनि रुजुनायाव दाबो उन गोलैसोनानै थानो गोनां जादों । बुनो थाङोब्ला जोंनि सा-सानजा भारतासो गुबुन राज्योफोरनि रुजुनायाव बांसिन दोहोनि । मानोना बेयो फिसाहैब्लाबो दुलाराय भारतबर्षखौनो दैदेननो (Representation) हानाय मोनसे थासारिखौ जों नुनो मोनो । बे ओनसोलाव गोदो गोदायनिफ्रायनो थागिबि हारिफोरजों लोगोसे गुबुन गुबुन भारतनि ओनसोलनिफ्राय थाफैनाय गुबुन गुबुन हारि माहारिजों दाजानाय । हारिमु, राव, थुनलाइ, दोहोरोम, आसार-खान्थिनि बेलायाव बेयो गमामायैनो गोमोथाव जायगा ।

                बे समायना सा-सानजा भारतनिनो दरसे थेलेबलेब फिसा ओनसोल जोंनि बद’लेण्द राइजोआ । मिथिंगानि महर मुस्रिजों बेयो दरसे मुहिहोनो हानाय जायगा । बेनि थागिबि बर’ सुबुंफोरनि नारा-नाथा नाजानायजों 2003 मायथाइनि 10 फेब्रुआरियाव बेयाव थागिबि हारि जौगाखांनाय आरो ओनसोलनि जौगाखांनायनि थाखाय गाव-खुंथाइ जारगुं खुंथाइ राहा भारत सरखारा फोसावो । बेनि गुबै थांखिया बे ओनसोलनि राव, हारिमु, थुनलाइ, बेनि ओनसोल, सोलोंथाइ, रांखान्थि, समाजखान्थि गासैबो बिथिंआव जौगाखांनाय लाबोनाय । बेयो जोंनि मोनसे संबिजिरारि गुदि मोन्थाइ । दिनै जोंनि सुक्तिया  13 बोसोर बारलांबाय । नाथाय दुखुनि बाथ्रा गोबां बिथिंआव दासिम जेबो जौगानायनि रेगाखौनो नुनो मोनासै । आब्ला मिरु सरखारनिफ्राय बोसोर बोसोर फैबाय थानाय फैसाफोरा बहा थांदों ? सोरनियाव दं ? मबे जायगायाव मावथांखिफोरखो लादों ? कक्राझार ? चिरां ? ना बाक्सा एबा अदालगुरियाव ?

                बि.टि.सि. जानाय समनिफ्राय जोंनि हारियाव लोगोसे जोंनि ओनसोलावनो मोनसे थिकादार थाखोनि हारिनि जोनोम जायो । गासैबो ओनसोलनि जौगानाय बायदिसिना खामानिनि बिबाना बिथांमोननियाव । संबिजिरारि भाबेबो बिथांमोना ओनसोलनि आरो हादरनि जौगासारनायनि थाखाय खामानि मावनायनि गेदेर बिबान दं । राजखान्थियारि गोहोआबो बिथांमोननि आखाइयाव । बेनि थाखाय जायखि जाया जौगाथायारि खामानिफोरखौ बिथांमोना मावनो थाखाय सुबिदा मोनो । नाथाय मालाबा दुखु नाङो, हारिनि राव, थुनलाइ, सोलोंथाइ बायदिसिना जौगाहोनो नारा-नाथा सोमावसारनानै गावसोरनि  आगोमा जिउखौ बोलि होनाय मुंख्लं जोहोलाव-जोहोलावजोफोरनि सिमांआ माब्ला आबुं जागोन ! बिथांमोना थ’ राजखान्थियारि दैदेनगिरि बिथांमोना जोंनि ओनसोलाव फैनाय जौगाथायारि थाखा-फैसारफोरखौ लुथिथों होनना सिमां रनसायाखैमोन ! बिथांमोननि सिमांआ बद’लेण्दनि थिकादारफोरा निखावरि लेखा-रोङि आइ-आफामोनखौ सुसि सुसि थाखा-फैसानि एमाव उन्दुनो हाथों होनना नङामोन !

                दिनै नुनो मोन्दों बुहुमाव जायफोर जौगाखांनाय हादर (Developing Country) बे हादरफोरावनो लुथिनाय हारिमुआ (Corruption Culture) बांसिन । नाथाय आंनि बादिब्ला जोंनि बद’लेण्दआव गुबुन जेबो मेगनाव नांथाव बिथिंआव जौगाखाङाखैब्लाबो नाथाय लुथिनाय हारिमुआव आबुङैनो जौगासारदों । दिनै बे मोनसे थाखोनि सुबुंफोरा राइजो-राजानि थाखा फैसारखौ जेरै हायो एरै लुथिदों । अफिस-कासारि जेरावनो थां, सासे पियनखौनो लानानै गाहाइ अफिसारसिम साफ्रोमबो थाखाल’ सिनायो । बेफोरनो जाबाय जोंनि ओनसोलनि ब्लेक मानि ।

                दिनै हादराव गोदान रांखान्थिनि बेबस्था फोसावनाय लोगो लोगो गोसोआव रंजानाय मोनदों । मानोना बेनि गेजेरजों राइजो राजानिफ्राय लुथिनाय गासैबो अगेन सम्पथिफोरा दैयाव थांजोबगोन । मोजां खामानियाव बाहायनो सानदोंबा सिरि सिरि रानना होनांगोन राइजो राजानो, गाज्रि गोसोबा सावनानै साय हांगार खालामनांगोन । साधारन सुबुंफोरा दिनै रंजादों, हादरखौ लुथिग्राफ्रा नाथाय जौ लुंनानै बाब्राबदों ।

                इंराजि 2016 मायथाइनि 10 नबेम्बरखालि गाहाइ मन्थ्रि नरेन्द्र मुदीनि फेसबुक पेजआव बिथांआ मोनसे गावनि मोन्दांथि सेयार खालामदों-  “So happy to learn that citizens are expressing their gratitude to bankers and getting notes exchanged in a patient and orderly manner. It is also heartening to learn that people are actively volunteering to help senior citizens withdraw money and exchange their currency.

            Such warmth, enthusiasm and the patience to bear limited inconvenience for a greater good is indeed very heartening. I assure you the Govt is unwavering in its effort to create an India that is corruption free and fruits of development touch every citizen.” बिथांआ बेबादि नोगोरारिफोरखौ साबायख’र बावहरदों । थारैनो बेयो जोंनि थाखाय मोजां बाथ्रा ।

।। जै बद’लेण्दनि जै ।।

A BODO ARTICLE

आथिखालावनो मानसिफोरा 60 बोसोरल’ जुरो !

      गामियाव मानसिफ्रा अनेक बाथ्रा रायज्लायो । गोबां समाव गोबां बाथ्रा रायज्लायो । गोबां समाव मानसिनि आयुनि सोमोन्दै रायज्लायनाय खोनादों आं – मानसि माहारियालायनो 50-60 बोसोरल’सो जुरियो आथिखालाव । नोंथांमोनाबा मा सानो ? जायखि जायाथों गामिनि बाथ्राया जुदा, बेनिखायनो नोंथांमोना मा सानो बेखौ मिथिनो लुबैसोगारदों आं ?

      जिब मुलुगनि बयनिख्रुइ सियानसिन आरो साबसिन जिबियानो जादों मानसि । गावनि गियान आरो बुद्दिनि गोहोआव मानसिया गावनिख्रुइ देरसिन जिब-जुनादफोरखौबो बस खालामनो हायो । मानसिया अख्रां-फाथाल गासैखोबो मिनथिजोबो । बे मानसि जिबनि गेजेराव जायफोरा सुबुं माहारिनो मायबाफोर बिहोमा होनो हायो बिदि मानसिफोरखौ सुबुं सम्पद बुंनाय जायो । जेरैबादि सम्पदफोरा जोंनि थाखाय गोनांथार एखे रोखोमै सुबुं सम्पद सोरजिनो हानायाबो मानसि माहारिनि थाखाय जोबोरैनो गोनांथार । मोनसे हारिनि दावगानाय, हादर दरसेनि जौगानाय बेफोर गासैबो सोनारो बे हादरनि सुबुं सम्पदनि सायाव । जाय हारिया थोजासे सुबुं सम्पद सोरजिनो हादों बे हारियानो मुलुगाव जौगा हारि हिसाबै सिनायथि मोनदों ।

     मानसिया नाथाय सियानब्लाबो लुबैसुला आखुनि थाखाय माब्लाबा गावनि आयुखौ गावनो सुंथाना लानाय बादि जायो । गावनि जिउमाखौ लांफैनो जम राजाखौ गावनो हांख्रायो । समायना बुहुमखौ सोरजिनाय आफा आनन गसायखौ जों साबायख’र बावनांगोन बिथांनि बिहोमानि थाखाय । जेरावबो जेरैबो गोरोन्थि गैयालासे सोरजिदों बे बुहुमखो । समजों खारफानो फोरोंदों जिउआव जोंखौ, उन्दैखो अननो, गेदेरखौ मान होनो फोरोंदों जोंखौ इसोरानो । गासैबो सुबुंआरि गुनफोरखौ होजोबदों खालिबोल’ मानसि माहारिनो । नाथाय थेवब्लाबो बादगा सानना गावनि गोनां जानायनिख्रुइ बारा लुबैनानै गोबां मानसिफोरा मानसिनिनो खहा खालामो । गावनि मुलाम्फानि थाखाय गावनि नख’रनि मानसिखोनो बुलि होयो । नाथाय होगिरिया बेफोर गाज्रि गियानफोरखौ जोनोमनिफ्रायनो हरजोबा जोंखौ, गासैबो सुलोंदों बे बुहुमावनो ।

      थारैनो मानसिनि जिउआ सुंथाबाय नामा ? बे मोनसे गेदेर सुंलुं । गोदोनि मानसिफोरा 100+ बोसोर जुरिदोंमोन होनना जोंनि आजै-आजौमोन बुंलांदों, बे बाथ्राखौ बिजाबावबो फरायनो मोनदों जों । नाथाय बे एखे बुहुमावनो बे बादि सोलायसुल’ जानायनि जाहोना मा जानो हागौ ? मानि जाहोनाव बुहुमनि बयनिख्रुइ सियानसिन जिबिनि जिउआ सुंलांदों ? थारैनो मिथिनो गोसो जायो, नङा होनबा ? बेखिनियावनो गुबुन गुबुन जिबिफोरनिबो गर (average) जिउफारिखो एसे नायनि फै-

जिबिनि मुं	आयु	जिबिनि मुं	आयु	जिबिनि मुं	आयु
मानसि	70-80 बोसोर	मैदेर	70 बोसोर	गान्दा	40 बोसोर
सैमा	22 बोसोर	सियाल	14 बोसोर	बोरमा	15 बोसोर
सिंह’	35 बोसोर	अमा (हाग्रानि)	25 बोसोर	मोसा	22 बोसोर
बेरे (राणि)	5 बोसोर	बेरे (सान्थ्रि)	1 बोसोर	उट	50 बोसोर
माउजि	25 बोसोर	दाउ	15 बोसोर	मोसौ	22 बोसोर
हानि खासेउ	193 बोसोर	गेदेर खासेउ	152 बोसोर	चार्क(Shark)	200 बोसोर

(गुबुन गुबुन बिजाबाव गुबुनहैबो होनो हागौ)

      आब्ला मानसिनि आयुआ बारा गोलाव नङा । बे गुसुं समफारियावनो जों मानसिफ्रा जोंनि मावलांनांगौ खामानिफोरखौ संसाराव मावलांनांगोन । नङाबा जोंखौ इयुन जोलैया जेब्लाबो गोसो खांनाय नङा । फोरोंलांनांगोन इयुन जुलैनो सुबुंथिनि गुन । गासैबो मोजां खामानिफोरखौ मावलांनांगोन जों । हायाब्ला मानसि महरै जोनोम लानायानो जोंनि फैमाल थांगोन । नङा होनबा ?

      जायखि जायाथों आयु सुंथाजानायनि सायाव गोथौयै बिजिराब्ला जों बेनि सोमोन्दै रोखायै बाथ्राखौ बुजिनाय नङा । गोबां बिगियानारि जाहोनफोर दङ, बेनि गेजेरावनो साधारन होनना बुङोब्ला- बार गुबुंनाय (Air Pollution), दै गुबुंनाय (Water Pollution), सोदोब गुबुंनाय (Sound Pollution), बिगियान आरो बाहाय बिगियाननि गोरोन्थि बाहायनाय (Wrong use of Science and Technology) आरि ।

      समाजखान्थियारि नोजोरजों नायोब्ला जों नुनो मोनो जे जोंनि समाजाव आथिखालाव खामानिनि हारिमुआ (Work Culture) गैया जालांदों । नाथाय गोरलै राहाजों रां खामायनायनि (Easy Money) फारसेल’सो बारा गोसो होयो । बेनि थाखायबो मानसिनि आयुआ खमि लांनाय नुनो मोननाय जादों । बेयाव मोखासे जुक्तिफोर दङ, आरो बेफोरखौ गाहायाव सावरायनो नागिरनाय जाबाय-

क) खामानि मावनो बानाय:

      गोदो-गोदाय जोंनि गामिफोराव न’ खाथियावनो बायदिसिना मैगं-थाइगंनि आबाद मावनाय जों नुनो मोनदोंमोन । नाथाय आथिखालनि मानसिफोरा जानो थाखाय गासैखौबो हाथाइ बाजार आरिनि सायावसो सोनारो । गोदो बर’नि नख’र नख’र मैगं-थाइगंनि बारि, नानि आलि बेदिमोन होनना जों फरायनो मोनदों । बेनिखायनो बेराम-आजारफोराबो खम जायोमोन । नाथाय आथिखालाव बेराम-आजारफोराबो बारा जाबाय । जाहोना बायदिसिना रासाइनिक मुलि बाहायनानै खालामनाय आबादनि सायाव सोनारनाय । सानफ्रोमबोनि हाथाइनि सायाव सोनारनाय माने रासायनिक मुलिनि सायाव सोनारनाय ।

      बेनिखाय हायोब्ला न’नि सिथ्लायाव एबा न’नि बारियावबाबो एसे एनै मैगं-थाइगंनि आबाद मावनो सोलोंनांगौ । बेजों गावनि रांखांन्थियाबो एसे चेभ जागोन आरो गावबो मैला गैयि जाग्रा मुवा नआवनो दिहुनना लानो हागोन ।

ख) सानफ्रोमबो रासायनिक हासार बाहायनाय मुवा-बेसाद जानाय:

      जोंनि ओनसोलनि बांसिन बेपारिफोरानो मुसलिम । बिसोरो ओरैबादि मावसुला हारि जे दरसे हायावनो बिसोरनि मानसिया लाख-लाख थाखा थिखाङो । बिसोरो ओरैबादि सियान जे खम समनि गेजेरावनो आबाद थिखांनो थाखाय गोबां अनजिमानि रासायनिक हासार बाहायो । बेनिखायनो समनि सिगाङावनो गोबां मेल्ला मैगं-थाइगंफोरखौ हाथाइयाव जों मोननो हायो । नाथाय बिसोरो गावसोरनि हजों न’आव जानो थाखाय गोबोर खि होनाय मैगं-थाइगंनि आबाद मावो । मालाया थैथों जों बासिबानो जाबाय बुंनाय बादि ।

      गोबोरखि होना आबाद मावो होननाय बाथ्राखौ गोबांङा फोथायनो गोब्राबबो मोननो हागौ । नाथाय बे बाथ्राया सैथो । जोंनिफ्रायनो बायना लांङो बिसोर गोबोरखि, खम बेसेनावनो लाङो आरो जोंखौ जाहोयो रासायनिक हासार होनाय फिथाइ-सामथाइ, मैगं-थाइगं बायदि बायदि ।

ग) देहा खहा खालामग्रा होनना मिथिनानैबो बाहायनाय:

      जों बयबो मिथियो जायफोर मुवा बेसादफोरा समाजनि बेरेखा, समाजाव बाहायोब्ला समाज, नख’रनि आबहावाया गासैबो गुबुंले जायो । मानसिनि देहा, मोदोम, मेलेम, थै गासैबो नोरजिया खालामो । थेवब्लाबो नाथाय मानसिफोरा बाहायनो गाराखै । बेनि सोलायै सानफा एफा बाहायग्राफोरनि बिबांआ बांलांगासिनोसो दं । बिस होनना मिथिनानैबो बे बिसखौ बाहायाब्ला थानो हाया बादि खालामो । जों सानफ्रोमबो सालायनाय मथर गारिफोराव पेट्रलनि गारियाव दिजेल सोना सालायनो नागिरबा जागोन जानो ? गारिनि इन्जिना समनि सिगाङावनो हामा जागोन बेयो रोखा ।

घ) खाना फोथायनाय:

      जोंनि गामियारि लेखा रोङि आइ-आफामोना दाबो खाना फोथायनाफोरखौ गारनो हायाखै । लेखा गोरों मानसिनि अन्जिमाया एसे एनै बांदोंब्लाबो नाथाय बिथांमोना आबुङै समाजनि लेखा फरा रोङै सुबुंनि गेजेराव गुनारि मोनसे मोजां गोहोम खोख्लैनो हायाखै । जायफोर जोंनि फोथायनायफोरा बिगियारिभाबै जेबो फोरमान गैया एबा प्रुफ खालामनो हाया बेबादि जाथाय एबा बाथ्राफोरखौनो खाना फोथायनाय होनना बुंनाय जायो । खाना फोथायनाया मोनसे समाजारि बेराम । खाना फोथायनायनि थाखायनो मालाबा मानसि बुलि हेनाय, गुबुनजों गाज्रि रोखोमै थगायजानाय बादि जाथायफोरा समाजाव जाबाय थायो । बेनिखायनो खाना फोथायनायफोरनिफ्राय रैखा मोननो थाखाय जोंनो गुन-गोनां सोलोंथाइनि गोनांथि दं । जोंनि समाजाव गुबुना बुंनाय बाथ्राफोरखौ गुरलैयै फोथायना लानाय एबा गुबुन नोजोरजों नायनो रोङैनि थाखाय गोबां समाव माबा मोनसे मोजां जानांगौ थाब्लाबो बे जानानै फैया । बर’लेन्द सोमावसारनाय, रेल लामा जथेनाय सोमावसारनाय बादि सुबुंखान्थियारि सोमावसारनायफोराव बाहागो लानो थांनो जिउ होनांगोन होननाय बाधा होनाय मानसिनि आन्जिमाया समाजाव दाबो दङ । बेदि सुबुंफोरखौनो खर’आव खिबु होनना बुंनाय जायो । नाथाय गुबुन हारिनि मायबाफोर हाबाफारिफोर लाब्ला फालो-फालो थांनो नागारा बे सुबुंफोरा । बिसोरो बेबादि समाजारि, सोलोंथाइ, रांखान्थि बायदिसिना आयदाफोरखौ लाना मावफुंनाय हाबाफारिफोराव हले जेब्लाबो थांखाय । बेबादि बे मेनसे लेखा-रोङि हान्जाखौ लाना गोथौवै बिजिरनो गोनां जानानै फैदों ।

      गोजौआव सावरायनाय आयदाफोरनि अनगायैबो आरोबाव गोबां आयदाफोर दङ जायनि थाखाय जोंनि सुबुं माहारिनि जिउफारिया सुंलांदों जानो हागौ । नाथाय आफा आनन गसायआ सिगां मानसिफोरखौ जाबादि सोरजिदोंमोन दाबो थिक बेबादिनो सोरजिगासिनो दङ होनना आं सानो ।

Let's Go Delhi Again

Let's go Delhi again

Everybody Join Delhi Trip 0n 9th of December,2016 for Bodoland Movement scheduled on 12th, 13th and 14th  OF DECEMBER,2016 AT New Delhi......

बडʼलेण्ड

बडʼलेण्ड

बडʼलेण्ड बिनो फै जों दिल्ली थांनि

बोराइ-बन्थ,सेंग्रा-सिख्ला फै जों दिल्लीयाव गोमसारहैदिनि

बडʼलेण्ड मोनैसिम जों जिराया

मोदी  चरकारखौ आरो  जों गोजोनै थानो होलिया

बरʼ बिर जोहोलाव-जोहोलावजोफोर

फै बयबो हान्जा हान्जा

12, 13, 14 दिसेम्बराव लाबोनि बडʼलेण्ड बिना ।।

How to write a Joining report

To,

     The Headmaster,

     Kalaigaon ME School, Kalaigaon, Udalguri, Bodoland

Subject: Joining report.

Sir,

     With reference to the subject cited above I have the honour to inform you that as per order of the Director of Education BODOLAND, BODOLAND vide order no DE/BODOLAND/Aptt-333/09-08/U-ME/2013/88-A Dated Bodoland the 30^th January/2014 I have joined on my duty as an Assistant Teacher on 29^th February, 2015 at Kalaigaon ME School at 10:00 am.

     This is for your information and necessary action.

Your faithfully

Ms Songali Bodoland

Tribal Belt and Block, Kalaigaon, Tezial, Bhuyankhat