Gwdan Raijw dabinanwi (a Bodo poem)

गोदान राइजो दाबिनानै

रातुल बर’

बतियामारि

बर’फोरा अरायबो सिमां नुदों

गंसे गोदान राज्यो दानायनि

जेराव थागोन अरायबो

गोजोन आरो खौसेथिनि थासारि।

जेराव बोहैगोन अरायबो अनज्लायनायनि

गोगो सुदेम बार आरो निजोरा ।

जेराव हिंसा आरो थिउरियानि

जायगा गैजोबा ।

जेराव थैनि दैबाना

माब्लाबाबो बोहैनाय नङा ।

जेराव खन्थाइगिरिआ सुजुगोन

गावनि गोदै गारांजों

गोदै गोदै हारिनि खन्थाइ।

जेराव देंखोगिरिआ

गावनि देंखो बोनायजों

हारिनि बिखा बिलिरलांगोन ।

बे गोदान राज्योआनो जादों

जोंनि अराय अनसुलि बड’लेण्ड ।

❏❏❏

N.B.: This article was published in the 8^th issue “Rongjali” the mouth piece of Kalaigaon Bisungra Harimu Afaad in the occation of its Rongjali Bwisagu Celebration, 2017 at Gandhi Bakari, Kalaigaon.