मोनसे सानस्रि

हारिमुवा हारिनि सिनस्रि । आंगो हारिमुखौ नेवसियोब्ला, आंगो हारिमुखौ बावगरलाङोब्ला हारिनि सिनायथिया बबेयाव थागोन ?

दिनैनि तारिखाव बर' हारिमुखौ मुलुग दरबाराव सिनायथि होनो हाबाय जों बर'फोरा । गोदान दिल्ली आरो गुबुन गुबुन जायगायाव बर' होनब्ला सिनायग्रा जाबाय । मानोना जों बर' सेंग्रा आरो आइजोफोरा जहै गोबां खेब दिल्लीयाव थांना आन्दोलन खालामहैबाय ।

नाथाय आंनि गावनि जायगाखौ लाना मोनसे सुंलु जायो । जोंनि हारिमुआ गामियावल' मानो ? जोंनि हारिमुआ आइजोफोरनियावल' मानो ? जोंनि हारिमुआ मान होनाय/बरायनायावल' मानो ?

दिल्लीयाव जों ख'ना ख'नला गामसा/दख'ना गानना, आर'नाय-रेगेरेगांं लाना बेरायथिंनो हायोब्ला जोंनि गावनि ओनसोलाव मानो हाया ?

जोंनि हारिमुखौ फोथांना लाखिनाय आरो सिनायथि होनाया जों साफ्रोमबो बर'सानि बिबान । बेनिखायनो जों बेनि थाखाय गोनां मावथांखि लाना बेनि सायाव खामानि मावनो गोनां दं ।